ގޮސް ހުސްވެގެން މައިދާން ދޫކޮށް ނުގޮސް، ކުރިމަތިވާ ހުރިހާ ގޮންޖެހުންތަކާ ކުރިމަތިލައިގެން ހުރިހާ ހުރަސްތަކެއް ގިރާކުރުމުގެ ޢަޒުމުގައި ކުރިއަށްދާނެ މީހަކަށް ވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިލްތިމާސްކުރައްވައިފިއެވެ. އެމަނިކުފާނު މިކަމަށް އިލްތިމާސްކުރެއްވީ މަޖީދިއްޔާ ސްކޫލްގެ “ސައްތަވީ ބިނާ” އިފްތިތާޙްކުރުމަށް ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ.
ރައީސުލްޖުުމްހޫރިއްޔާ ޑރ. މުޙައްމަދު މުޢިއްޒު ވިދާޅުވި، ކޮންމެ މީހެއްގެ ހަނދާނުގައިވެސް ބަހައްޓަންވީކަމަކީ، ހިންމަތާއި ވަރުގަދަ ޢަޒުމެއްގައި ކުރާ ކޮންމެ މަސައްކަތެއް ކާމިޔާބުވާނެކަންކަމަށެވެ. ހިތްވަރާއެކު މަސައްކަތްކޮށްފިނަމަ ދަތި އުނދަގޫ އެއްވެސް ކަމެއް ނޯންނާނެކަމަށާއި، އެޢަޒުމުގައި މަސައްކަތްކޮށްފިނަމަ ކާމިޔާބީ ޔަޤީންވާނެކަމަށެވެ.
“އެ ޢަޒުމްގައި މަސައްކަތްކޮށްފިނަމަ އިރާދަކުރެއްވިއްޔާ ކާމިޔަބީއަކީ ޔަޤީންކަމެއް. އެއީ ހަޔާތުގެ ކޮންމެކަމެއްވިޔަސް، ކިޔަވަމުންދާ ދަރިވަރުން ކިޔެވުމުން ރަނގަޅު ނަތީހޯދުންކަމަށްވިޔަސް، ޤައުމު ބިނާކުރުމުގައި ޤައުމަށް ބޭނުންވާ ކަންކަން ހާސިލްކުރުމުގައިކަމަށްވިޔަސް ތިމާގެ ހަޔާތުގައި ކުރަމުންދާ މަސައްކަތުގައި އާމްދަނީ ހޯދުމަށްކުރާ މަސައްކަތުގައި ވަޒީފާގައި ކުރިއަށްދިއުންކަމަށްވިޔަސް ވަރުގަދަ އަޒުމެއްގައި ބުރަ މަސައްކަތްކޮށްފިއްޔާ ކާމިޔާބީ ހާސިލްވާނެ.” ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވިއެވެ.
ރައީސްގެ ވާހަކަފުޅުގައި ކޮންމެ މީހެއްގެ ޢަޒުމަކަށްވާންވާނީ އެމީހެއްގެ އަނެއްމީހާއަށް ނުވަތަ މުޖުތަމަޢަށް ނުވަތަ ޤައުމަށް މަސައްކަތްކުރުމަށްކަމަށާއި، އެގޮތަށް މަސައްކަތްކުރުމުން ޤައުމުގައި ހުރި ބޮޑެތި މައްސަލަތައް ހައްލުވާނެކަމަށެވެ.
ކޮންމެ މީހެއްގެ ހިތުގައި ބިންވަޅު ނަގާ ޢަޒުމަކަށްވާންވީ މި ޢަޒުމް. ތިމަންނާ ކުރަންއޮތް ކަންކަތައްތަކުގައި ފަހަތަކަށް ނުޖެހޭނަމޭ. ތިމަންނާ ނުވާނަމޭ ގޮތް ހުސްވެގެން މައިދާން ދޫކޮށްލާފަދާ މީހަކަށް. އެއާޚިލާފަށް ކުރިމަތިވާ ހުރިހާ ޗެލެންޖަކަށް ކުރިމަތިލައިގެން ހުރިހާ ހުރަސްތަކެއް ގިރާކުރުމުގެ ޢަޒުމުގައި ކުރިއަށްދާންށޭ ތިމަންނާ މިހުރީ. ވިސްނުން ބަދަލުކޮށްލަންވީ. ކޮންމެ ރައްޔިތަކު ކުރިއަށްދާންއޮތްކަމެއްގައި މިޢަޒުމް ކަނޑައަޅަންވީ. އޭރުން އިރަދަކުރެއްވިއްޔާ ކަންތައްތަކުގައި ކާމިޔަބުވާނެ.” ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވިއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ކޮންމެ މީހަކުވެސް އެމީހަކަށް މަތިވެފައިވާ ކޮންމެ ކަމެއްގައި، ގާބިލްކަން ތަންދޭ އެންމެ ފުރިހަމައަށް ކުރުމަށް މަސައްކަތްކުރުމަށް ނަސޭހަތްތެރިވެވަޑައިގެންފައެވެ.