- މި ދަތުރުފުޅަކީ ސައުދީ ޓްރާންސްޕޯޓް މިނިސްޓަރުގެ ދައުވަތަކަށް ކުރައްވާ ދަތުރުފުޅެއް
ރާއްޖެއާ ސަޢުދީ އަރަބިއްޔާއާ ދެމެދު މަދަނީ ދަތުފަތުރުގެ ދާއިރާއިން އިތުރަށް ގުޅުންބަދަހިކުރުމަށް ދަތުރުފަތުރާއި މަދަނީ އުދުހުންތަކާއި ބެހޭ ވަޒީރު މުޙައްމަދު އަމީން ސަޢުދީ އަރަބީއްޔާއަށް ފުރާވަޑައިގެންފިއެވެ.
ވަޒީރުގެ އަމީން ސައުދި އަރަބީއްޔާއަށް ފުރާވަޑައިގެންނެވީ މިއަދުގެ ވަގުތެއްގައެވެ. މިއީ ސައުދީ އަރަބިއްޔާގެ މިނިސްޓަރ އޮފް ޓްރާންސްޕޯޓް އެންޑް ލޮޖިސްޓިކްސް ޞާލިހު ބިން ނާސިރު އަލްޖަސިރާއި އަދި އެ ޤައުމުގެ ޖެނެރަލް އޮތޯރިޓީ އޮފް ސިވިލްއޭވިއޭޝަންގެ ރައީސް އަބްދުލްއަޒީޒް އަލް ދުއައިލެޖްގެ ދައުވަތަކަށް ކުރައްވާ ކުރައްވާ ދަތުރުފުޅެއް ކަމަށް ދަތުރުފަތުރާއި ބެހޭ ވުޒާރާއިން ވިދާޅުވެއެވެ.
ވަޒީރު ސައުދި އަރަބީއްޔާއަށް ކުރައްވާ މި ދަތުރުފުޅުގެ ތެރެއިން ދެ ޤައުމު ދެމެދު އޮތް މަދަނީ ވައިގެދަތުރުފަތުރުގެ ގުޅުން އިތުރަށް ވަރުގަދަކުރުމަށް މަޝްވަރާ ކުރައްވާނެއެވެ. އަދި ވައިގެ ދަތުރުފަތުރުގެ ދާއިރާގެ ސަލާމަތާއި ރައްކާތެރިކަމާގުޅޭ ރެގިއުލޭޓަރީ ފްރޭމްވޯކްތައް ޤާއިމުކުރުމާ މެދު މަޝްވަރާކުރުމަށް މި ދަތުރުފުޅުގެ ތެރެއިން މަޝްވަރާ ކުރުމަށް ވަނީ ހަމަޖެހިފައެވެ.